فېصل آباد 24 اکتوبر(اے پي پي) د اطلاعاتو او خپرونو وزير مملكت فرخ حبيب وئيلي دي چې حكومت به د احساس سكالرشپ پروګرام له مخې په پوهنتونونو كښې د تعليم ترلاسه كوونكو ټولو بې وزله زده كوونكو تعليمي اخراجات ادا كوي، د يو ډول تعليمي نظام و نصاب نفاذ د وزيراعظم عمران خان وژن دے. ده دا خبرې تېره ورځ د فېصل آباد په يو سكول كښې د رحمة للعالمين سكالرشپ تقسيم دستورې ته په خپله وېنا كښې وكړې. ده ووئيل چې حكومت سريت د نصاب برخه جوړ كړے چې دغسې خپل نسلونه د سيرت مصطفٰی صلی الله عيله وآله وسلم څخه خبر كړے شي. ده ووئيل چې وزيراعظم عمران خان رياست مدينه د خپل ژوند نصب العېن جوړ كړے او په دې شپه ورځ كار كوي. ده ووئيل چې بايد مونږ ټول په ګډه د پاكستان بهترې او خوشحالې لپاره كار وكړو.
مضمون کا ماخذ : لاتعداد وشال پانڈا
