اسلام آباد 28 اکتوبر (اے پي پي) پاکستان د ملګرو ملتونو د ترهګرۍ مخنيوي كمېټۍ (سي ټي سي) د ممبئۍ په غونډه كښې د هند بې بنسټه پروپېګنډه مسترد كولو سره وئيلي دي هند مهم فورم په ناسمه استعمالولو نړيواله ورورولي د ترهګرۍ په ضد د پاكستان د كردار په اړه ګمراه كړې ، هند خپله او د نورو هېوادونو خاوره كارولو سره د پاكستان په ضد د ترهګرۍ په ملاتړ كښې ككړ دے، د ملګرو ملتونو د سلامتي كونسل غړي هېوادونه دې د هند لخوا د خپلې ناوړه اېجنډې بشپړولو لپاره د بې بنسټه ډنډورې او د نړيوال پلېټ فارمز هائي جېك كولو دې ناوړه هڅو څخه خبردار وي۔ د جمعې په ورځ د خارجه دفتر وياند خپل بيان كښې وئيلي دي دا د افسوس وړ خبره ده چې د ملګرو ملتونو سلامتي كونسل د يوې مهمې كمېټۍ به ناسمه استعمالولو نړيواله ورورولي د نړيوالې ترهګرۍ په ضد د پاكستان د كردار په ګمراه كړې ٬ د هند سپك حركتونه د كمېټۍ مقاصد او مېنډېټ ته زيان رسوي او د دا فعل غندنې وړ دے۔ وياند ووئيل دا هند دے چې پاكستان سره مرسته نه كوي او قصداً ئې د ممبئۍ بريد كېس عدالتي كاروائي ايساره كړې ده٬ په ممبئي كښې د سي ټي سي په نننۍ غونډه كښې د هند ناروا مداخلت يو ځل بيا د پاكستان د پخوانو اندېښنو تصديق كړے چې هند يواځې پاكستان بدنامولو لپاره د ترهګرۍ مخنيوي په نړيوال فورمز سياست كول غواړي۔ وياند ووئيل هند ته دا ياد ساتل پكار دي چې د ممبئۍ بريدونو معامله په عدالت كښې ده او د چا د خواهش په ځائ د ھغې په موثره ډول مخنيوي لپاره به ناقابل ترديد او د قبلېدو وړ ثبوت پكار وي۔ ده ووئيل د هند لخوا د پاكستان په ادارو او په هلو ځلو د شك كولو باوجود د ترهګرۍ په ضد په نړيوال جنګ كښې د پاكستان كردار نړيوالې ورورولۍ تسليم كړے٬ د دې برعكس هند خپله او د نورو هېوادونو خاوره په استعمالولو د پاكستان په ضد د ترهګرۍ په ملاتړ كښې ككړ دے۔ ده ووئېل په پاکستان كښې رېډ هېنډ نيولے شوے د هند جاسوس كلبهوشن ياديو پاكستان كښې په تخريب كارۍ او د ترهګرۍ په هلو ځلو كښې د هندي رياست د ملوث پاتې كېدو ژوندے ثبوت دے٬ ټي ټي پي او د ترهګرۍ نورو نړيوالو نتظيمونو سره هندي مرسته هم په ډاګه شوې ٬ وياند ووئيل د هند منافقت د هند په غېر قانوني تسلط لاندې مقبوضه كشمير كښې په رياستي سرپرستۍ كښې د ترهګرۍ څخه هم په ډاګه دے ، چرته چې 9 لكه هندي عسكر په بې ګناه كشميريانو تشدد كوي او هغوي اذيت سره مخ كړي ٬ دې سره سره نړۍ په هند كښې مسلمانانو او نورو اقليتونو سره د بي جے پي آر اېس اېس د شدت پسندو د ترهګرۍ څخه ښه خبر ده۔ وياند ووئيل اېف اے ټي اېف لخوا پاكستان په دې وروستيو كښې ډي لستنګ ٬ د ترهګرۍ مالي معاونت مخنيوي پحقله د دې د اعتماد وړ ٬ قوي او تل پاتي اقدامات واضح ثبوت دے٬ ده ووئېل فېټف كښې د پاکستان كاميابۍ په لاره كښې د خنډ جوړولو په هڅو كښې د ناكامۍ نه پس هند اوس د پاكستان په ضد خپل ناوړه عزائم ترسره كولو له لا نړيوال فورمز د استعمالولو هڅې كوي او نړيواله ورورولي ګمراه كوي۔ پاکستان نړيوالې ورورولۍ څخه مطالبه كوي چې ھغوي هند د ترهګرو تنظيمونو د سرپرستۍ نه منع كړي ٬ وياند زياته كړه چې پاكستان د ملګرو ملتونو او د سلامتي كونسل په غړو هم زور رواړي چې ھغوي د هند لخوا د خپلې ناوړې اېجنډې بشپړتيا لپاره بې بنسټه او ګمراه كونكې پروپېګنډې او د نړيوال پلېټ فارمز هائي جېك كولو د دغې ناوړه هلو ځلو نه خبردار وسي٬ د نړيوالې ورورولۍ دا هم يوه مستقل ذمه واري ده چې د هند په غېر قانوني قبضه كړي مقبوصه جمو و كشمير كښې د رياستي ترهګرۍ د لارې د 90 زره نه د زياتو ځپلو لپاره انصاف باوري كړي۔(gul/2313)
هند مهم فورم په ناسمه كارولو نړيواله ورورولي د ترهګرۍ په ضد د پاكستان د كردار په اړه ګمراه كړې ۔ د خارجه دفتر وياند بيان
مضمون کا ماخذ : اسکریچ کارڈ کی پیش گوئی
متعلقہ مضامین
