اسلام آباد 16اګست (اے پي پي) وزيراعظم عمران خان سره د سعودي وسله والو ځواكونو چيف آف جنرل سټاف جنرل فياض بن حميد الرويلي د ګل په ورځ ملاقات كړے ۔وزيراعظم عمران خان د پلاوي هركلے وكړو او باچا سلمان بن عبدالعزيز السعود او ولي عهد شهزاده محمد بن سلمان لپاره يې د نيكو هيلو څرګندونه وكړه۔ده ووئيل پاكستانے اولس عمر له سعودي مشرتابه لپاره خاص احترام لري۔وزيراعظم د دواړو هېوادونو ترمينځه د ورورولۍ د اړيكو ذكر كولو سره د سعودي خپلواكۍ او سيمه ايزې سلامتيا لپاره د پاكستان د عزم او ملاتړ يو ځل بيا څرګندونه وكړه۔د وزيراعظم عمران خان او د سعودي وسله والو ځواكونو مشر ترمينځه د ملاقات په مهال د شريكې خوښې په چارو هم خبرې وشوې۔وزيراعظم د دواړو هېوادونو ترمينځه د مرستې په زياتولو او د سعودي او پاكستاني اولس ترمينځه د روابطو په قوي كولو زور راوړو۔ده هيله څرګنده كړه چې د سعودي او پاكستان سپريم كوآرډينېشن كونسل به په ټولو څانګو كښې د شريكې مرستې ودې لپاره مهم كردار ترسره كړي۔وزيراعظم د دواړو هېوادونو په قوي دفاعي اړيكو د اطمينان څرګندونه كولو سره هيله څرګنده كړه چې په راتلونكو كلونو كښې به د دواړو هېوادونو دوه اړخيزه دفاعي مرسته لا زياته شي۔د سعودي د وسله والو ځواكونو مشر د سعودي او پاكستان ترمينځه د غوره مرستې ذكر كولو سره د پاكستان د وسله والو ځواكونو وظيفائي مهارت وستائېلو۔په ملاقات كښې د يمن په تازه صورتحال هم خبرې وشوې۔وزيراعظم د يمن شخړه د خبرو او د سفارتكارۍ د لارې حل كولو لپاره د پاكستان د ملاتړ څرګندونه وكړه او په دې لړ كښې يې د سعودي هڅې وستائېلې۔پاكستان او سعودي پخوانۍ تاريخي د ورورولۍ اړيكې لري۔د دواړو هېوادونو ترمينځه په لوړه كچه د دورو تبادله د دواړو هېوادونو ترمينځه د غوره اړيكو عكاسي ده۔
وزيراعظم عمران خان سره د سعودي وسله والو ځواكونو چيف آف جنرل سټاف ملاقات
مضمون کا ماخذ : como apostar na mega sena
متعلقہ مضامین
