اسلام ??باد۔13جنوری(اے پی پی) وفاقی وزیر قانون، انصاف اتے انسانی حقوق سینیٹر اعظم نذیر تارڑ نال سویڈش وزارت خارجہ دی او آئی سی سانڳے خصوصی مندوب اتے بین المذاہب و بین الثقافتی مکالمے دی نمائندہ اولریکا سنڈبرگ ملاقات کیتی۔ ملاقات اچ اقلیتاں دے حقوق دے تحفظ، ڈیجیٹل قوانین دے نفاذ، آن لائن تحفظ کوں موثر بݨاوݨ تے بین المذاہب ہم آہنگی کوں ودھارا ݙیوݨ تے ڳالھ مہاڑ کیتی ڳئی ۔ سنوار کوں وزارت انسانی حقوق توں جاری پریس ریلیز موجب خصوصی مندوب پاکستان دی طرفوں جامع اتے معیاری تعلیم دے ودھارے سانڳے کیتیاں ڳیاں کوششاں دی تعریف کیتی ، خاص طور تے مسلم معاشریں اچ چھوہریں دی تعلیم تے اجوکی بین الاقوامی کانفرنس دی کامیابی دی تعریف کیتی۔ انہاں پاکستان دی ترقی پسند پالیسیاں دی تعریف کیتی جیڑھی جو چھوہریں سودھے سارے ٻالاں دی کوں معیاری تعلیم تئیں مساوی رسائی ݙیوݨ اچ معاون ثابت تھیندیاں پئن ۔وفاقی وزیر سینیٹر اعظم نذیر تارڑ آئین دے آرٹیکلز 20 توں 36 دے تحت اقلیتاں دے حقوق دے تحفظ سانڳے حکومت دا پکا عزم کیتے ۔ انہاں قومی کمیشن برائے اقلیتاں (این سی ایم) دے قیام ??ا ذکر کیتا جیڑھا جو اقلیتاں دے حقوق دے تحفظ، بین المذاہب ہم آہنگی کوں ودھارا ݙیوݨ تے قومی ترقی اچ اقلیتاں دی شمولیت یقینی بݨاوݨ سانڳے سرگرم اے۔وزیرنے قوانین دے غلط استعمال بشمول توہ??ن مذہب دے قوانین، کوں روکݨ سانڳے جامع ضابطہ کار (ایس او پیز) دی تیاری تے روشنی پاتی۔ ان ایس او پیز اچ فرانزک تح??یق??ت، گواہیں دا تحفظ اتے قانونی عمل دی غیرجانبداری کوں یقینی بݨاوݨ شامل اے تاں جو انصاف دے تقاضے پورے تھیون ۔ملاقات اچ ڈیجیٹل تحفظ اتے آن لائن ضیان تے وی ڳالھ مہاڑ تھئی ۔وفاقی وزیر ٻالاں کوں سائبر بلنگ اتے آن لائن استحصال توں محفوظ رکھݨ سانڳے عوامی آگاہی مہمات اتے ڈیجیٹل خواندگی دے پروگراماں دا ذکر کیتا۔ انہاں “میٹا” (سابقہ فیس بک) سودھے بین الاقوامی شراکت داراں نال تعاون تے وی زور ݙتا ۔ وفاقی وزیر وضاحت کیتی جو 18ویں آئینی ترمیم دے تحت صوبیں وی اقلیتاں دے حقوق دے تحفظ اتے عبادت گاہواں دی حفاظت سانڳے موثر حکمت عملیاں اتے طریقہ کار بݨائن ۔ ملاقات دے چھیکڑ تے ݙوہیں فریقین انسانی حقوق دے ودھارے ، بین المذاہب ہم آہنگی کوں تکڑا کرݨ خاص طور تے کمزور طبقے سانڳے محفوظ ڈیجیٹل ماحول بݨاوݨ دا عزم کیتے
