اسلام آباد۔15نومبر(اے پی پی) چیف جسٹس آف پاکستان /چیئرمین نیشنل جوڈیشل آٹومیشن کمیٹی جسٹس یحییٰ آفریدی دی صدارت اچ سپریم کورٹ اچ آن لائن اجلاس تھئے۔ لا ء اینڈ جسٹس ??میشن آف پاکستان دے جاری اعلامیہ موجب اجلاس اچ 2 نومبر 2024 کوں لاہوراچ جیلاں اچ اصلا??ات دے حوالے نال تھیوݨ آلے اجلاس اچ کیتے ڳئے فیصلیں تے پیشرفت دا جائزہ ڳھدا ڳئے۔لاہور ہائی کورٹ دی چیف جسٹس عالیہ نیلم جسٹس شمس محمود مرزا دے رلے پنجاب دی جیلاں د?? انتظامی جج /مانیٹرنگ جج ، سابق جج جسٹس شبر رضا رضوی دے رلے لاہور ہائی کورٹ دی نمائندگی کیتی۔ لاہور ہائی کورٹ، سیکرٹریز ہوم اینڈ پراسیکیوشن ڈیپارٹمنٹ، پنجاب، انسپکٹر جنرلز آف پولیس اتے محکمہ جیل خانہ جات پنجاب، آئینی ات?? انسانی حقوق دی وکیل آمنہ قادر، سینیٹر احد خان چیمہ اتے خدیجہ شاہ وی اجلاس اچ شرکت کیتی۔چیف جسٹس آف پاکستان جسٹس یحییٰ آفریدی آمنہ قادر کوں ذیلی کمیٹی جیل اصلا??ات دی کوآرڈینیٹر نامزد کیتا تے ہدایت کیتی جو او احد خان چیمہ اتے خدیجہ شاہ دے رلے کمیٹی دے ٹی او آرز موجب جیل دا دورہ کرن ۔ پنجاب دی جیلاں اچ فوجداری نظام انصاف دے ٻئے سٹیک ہولڈرز دی مشاورت نال ھک جامع رپورٹ تیار کیتی ونڄے۔ انھاں زور ݙتے جو سارے سٹیک ہولڈرز بشمول لاہور ہائی کورٹ، لاء اینڈ جسٹس ??میشن آف پاکستان، پولیس اتے جیل خانہ جات دے محکمے ذیلی کمیٹی کوں سہولت ݙیسن ۔ انھاں متعلقہ اداریں کوں وی آکھئے جو او فوجداری نظام انصاف اچ بہتری دے حوالے نال آپݨی صلاح تے سفارشات پیش کرن۔چیف جسٹس ہدایت کیتی مکمل تھیوݨ دے بعد مذکورہ رپورٹ جسٹس شبر رضا رضوی ??ال شیئر کیتی ونڄے جیں کوں کمیٹی دے آندے اجلاس اچ پیش کیتا ??یسی ۔چیف جسٹس لا اینڈ جسٹس ??میشن آف پاکستان کوں ذیلی کمیٹی دے ارکان کوں مکمل لاجسٹک سپورٹ ݙیوݨ دی ہدایت کیتی۔
