اسلام آباد 19 اکتوبر (اے پي پي) وزيراعظم شهباز شريف وئيلي دي پاکستان خپلې بهرنۍ قرضې د ري شېډول كولو هڅه نه كوي خو د سېلاب له امله په ځپلو سيمو كښې د سړكونو٬ پلونو او د نور انفراسټركچر بيا رغونې غوندې لويو منصوبو لپاره ډېرې روپۍ پكار دي٬ سائنس مدارو سېلاب د موسمياتي بدلون د اثراتو نتيجه ګرځولې ٫ مونږ يواځې موسمياتي انصاف غواړٶ٬ د تلافۍ لفظ بېخي نه كاروٶ۔ په لاهور كښې خپله استوګنه كښې ”فنانشل ټائمز” سره په مركه كښې وزيراعظم ووئيل مونږ د هېڅ ډول اقدامات د ري شېډولنګ يا موريټوريم لپاره نه كوٶ بلكې اضافې فنډ غواړو۔ ده ووئيل زمونږ په مطالبات او مونږ ته چې څه ترلاسه شوي په ھغې كښې ډېر فرق دے كوم چې هر ورځ لا زياتېږي۔ وزيراعظم ووئيل مونږ واضح فكر لرو كه چرې عدم اطمينان د ژور سياسي عدم استحكام سبب جوړ شي او مونږ خپلې بنيادي تقاضې او هدفونه ترسره نه كړے شو نو ظاهره خبره ده چې دا د لويو مسئلو سبب جوړېدے شي۔ ده ووئيل زه دا هر څه د كوم خطر په لحاظ نه وائم خو د دې حقيقي امكان موجود دے۔ وزيراعظم شهباز شريف ووئيل مونږ يواځې د موسمياتي انصاف مطالبه كوٶ٬ مونږ د ”معاوضه” لفظ بالکل نه استعمالوٶ۔ ده ووئيل پاكستان چې د هر ځاے نه كېږي اضافي فنډ به ترلاسه كوي٬ مونږ د موسمياتي بدلون شوې تباهۍ سره مخ يو او د دې په ضد په جنګ كښې يو ،ده ووئېل سبا بل هېواد هم د موسمياتي بدلون ښكار ګرځېدے شي ٬ مونږ نه غواړو چې داسې اوشي
پاکستان خپلې بهرنۍ قرضې د ري شېډول كولو هڅه نه كوي٬ په سېلاب ځپلو سيمو كښې د انفراسټركچر بيا رغونې لپاره ډېرې روپۍ پكار دي۔ د وزيراعظم شهباز شريف “فنانشل ټائمز” سره مركه
مضمون کا ماخذ : آن لائن لاٹری ٹکٹ
متعلقہ مضامین
