اسلام آباد۔ 31 مئی(اے پی پی) سپیکر قومی اسمبلی سردار ا??از صادق قومی اسمبلی اچ موجودہ حکومتی اتے اپوزیشن سمیت ساریاں جماعتاں دے ارکان وکوں ایوان دی کاروائی اچ چنگی معاونت کرنڑ تے ایوان دی کاروائی چنگے طریقے نال چلاونڑ اچ ??عا??ن تے انہاں دا شکریہ ادا کریندے ہوئیں آکھیے جو اساکوں انتخابی مہم اچ ہک ڈوجھے دا احترام کرنڑاں ہوسی ،اساں سارے پاکستانی ہوں اساکوں پاکستانی ہوونڑ تے فخر اے ،ایں قومی اسمبلی ریکارڈ 187بل منظور کیتن ،تریمت ارکان ایوان دی کاروائی اچ 60فیصد تئیں حصہ گھدا جیرھا جو انہاں دی شاندار کاکردگی دی عکاسی اے ۔خمیس کوں موجود ہ قومی اسمبلی نال الوداعی خطاب اچ سپیکر ا??از صادق آکھیا جو اللہ سئیں دا شکر اے جو پنج سال پورے تھیندے پن ۔اساڈا ساتھ چنگے طریقے نال گزریا ۔حکومتی تے اپوزیشن ارکان ولوں ہر طرح دا ??عا??ن ملیا ایندے تے انہاں دا شکر گزار ہاں ۔سیاسی وابستگی تھیندی اے تاں میڈی دل آزاری نہ ہاﺅس دے اندر تھی نہ باہر تھی ارکان حکومت دے احتساب ،حکومت ہاﺅس بہتر انداز اچ چلاونڑ دی کوشش کیتی تے اپوزیشن تے حکومت گاڈی دے ڈو پھیتے ہن ۔انہاں دے بغیر گاڈی نی چل سگدی ??انہاں آکھیا جو 1977دی پہلی اسمبلی اچ کل21 بل پاس تھن‘ 1985ءدی اسمبلی اچ 47‘ 1988ءاچ 13‘ 1990ءاچ 60‘ 1993 اچ 54 ‘ 1997ءدی اسمبلی اچ 51 قانون پاس تھے۔ 2002ءاچ 38 اتے 2008دی اسمبلی اچ 93 قانون پاس تھے جیرھے جو بہتر قانون سازی ہئی ہنڑ 2013ءدی پارلیمنٹ 187 قانون منظور کیتن ۔انہاں اچ کمپنیز بل تاریخی ہا۔ ساریاں سیاسی جماعتاں ایندے اچ بھرپور کردار ادا کیتا ۔57 نویں قانون‘ 6 فنانس‘ 5 آئینی ترامیم ‘ 82 موجودہ قانون اچ ترامیم تھیاں۔ نجی ممبراں دے 30 بل وی منظور تھن ۔ سپیکر سردار ا??از صادق آکھیا جو قائد حزب اختلاف دا شکریہ ادا کرنڑ چاہنداں جنہاں بطور لیڈر آف اپوزیشن کردار وی ادا کیتا تے نال نال اپنڑی جماعت دی نمائندگی وی کیتی ۔انہاں حکومت اتے اپوزیشن دی تنقید وی برداشت کیتی‘ خورشید ??اہ جیرھے جو جمہوریت سانگے کردار ادا کیتے او تاریخی اچ ۔ انہاں آکھیا پارلیمانی لیڈراں اتے حکومت دی رہنمائی حاصل رہی۔ سپیکر آکھیا جو چیف وہپس ایوان دی کارروائی اچ اہم کردار ادا کیتے۔ ریاض پیرزادہ ایوان اچ بھرپور کردار ادا کیتا تے اپنڑی حاضری یقینی بنڑائی ۔انہاں ایں موقع تے پرنٹ اتے الیکٹرانک میڈیا دا وی شکریہ ادا کیتا جنہاں پارلیمنٹ دی ساکھ ودھاونڑ اچ کردار ادا کیتا تے ہمیشہ مثبت تے چنگی رپورٹنگ کیتی ۔ پی اے سی دیاں طویل نشستاں دی کوریج کیتی۔ پی آر اے ایندے اعتراف اچ وجود اچ آئی۔ انہاں آکھیا پاکستان ٹیلی ویژن دا پارلیمنٹ لائیو چینل وی شروع ھے جیں اچ قائمہ کمیٹیاں سمیت پارلیمنٹ دی کارروائی شفاف انداز اچ براہ راست ٹیلی کاسٹ تھیسی۔ سپیکر قومی اسمبلی آکھیا جو اساکوں پاکستانی ہوونڑ تے فخر اے ۔اساںپاکستانی پیدا تھے تے پاکستانی ہی رخصت تھیسوں۔
قومی اسمبلی ریکارڈ 187 بل منظور کیتن ‘ تریمت ارکان ایوان دی کاروائی اچ 60 فیصد تئیں حصہ گھدا سپیکر قومی اسمبلی سردار ایاز صادق دا قومی اسمبلی اجلاس نال الوداعی خطاب
مضمون کا ماخذ : لاٹری کی قانونی حیثیت
متعلقہ مضامین
