اسلام آباد۔17اکتوبر(اے پی پی)وزیراعظم محمد شہباز شریف آکھیے پاکستان اتے منگولیا کوں تجارت، سرمایہ کاری، عوام نال عوامی و مواصلاتی روابط تے خصوصی توجہ نال مفید تعاون دیاں نویاں راہوان ڳولݨیان چاہیدن۔ وزیراعظم نال شنگھائی تعاون تنظیم (ایس سی او) دے سربراہانِ حکومت دے اجلاس اچ شرکت کیتے آئے منگولیا دے وزیراعظم او یون اردین لویسنائی ملین۔ وزیر اعظم محمد شہباز شریف منگولیا دے وزیر اعظم دا استقبال کیتے اتے ایں دورے کوں ݙوہاں ملکاں وچال باہمی احترام، خیر سگالی اتے برادرانہ تعلقات دی تاریخ اچ ہک نواں باب قرار ݙتے۔ انہاں منگولیا دا ولا وزیر اعظم ٻݨݨ تے مبارک ݙیندے ݙوطرفہ تعلقات کیتے رل تے کم کرݨ تے زور ݙتے۔ وزیر اعظم تجوی?? ݙتی جو ݙوہیں ملک تجارت، سرمایہ کاری، عوامی و مواصلاتی روابط تے توجہ ݙیوݨ سودھا باہمی تعاون دے نوین رستے ڳولن۔ انہاں منگولیا دے سول سرونٹس کوں پاکستان دے تربیتی اداریاں اچ تربیت ݙیوݨ دا وی آکھیے اتے باہمی تعلقات سانڳے 2025 کوں پاکستان-منگولیا دوستی دا سال قرار ݙیوݨ دی وی تجوی?? ݙتی۔ منگولیا دے وزیرِ اعظم ایس سی او اجلاس دی کامیابی تے مبارک ݙیندے بہترین مہمان داری تے شکریہ ادا کیتے۔ انہاں پاکستان ??ال مختلف شعیاں اچ ڳانݙھا ودھاوݨ دی خواہش کریندے تجارت، سیاحت، زراعت و کان کنی تعاون سانڳے مشترکہ وزارتی کمیشن ٻݨاوݨ سودھا ݙوطرفہ پارلیمانی تعلقات ودھاوݨ سانڳے بین-الپارلیمانی یونین ٻݨاݨ تے وی اتفاق کیتے۔ منگولین وزیراعظم، وزیرِ اعظم ہاؤس اچ ٻوٹا وی لائے۔
ISLAMABAD: October 17 – Prime Minister Muhammad Shehbaz Sharif plants a sapling along with the Premier of Mongolia H. E. Luvsannamsrain Oyun-Erdene. APP/MAF/TZD
.jpg)
