اسلام آباد۔8فروری (اے پی پی):وزیراعظم عمران خان آکھیے جو پاکستان تے چین دے تعلقات توں پورے خطے اچ استحکام آئے ، بھارت کشمیر دی صورتحال خراب بݨا ݙتی ، بھارت دی انتہا پسند حکومت نال اڳوں ودھݨ بہوں اوکھا اے۔ ،طالبان حکومت دے ںال پسندیدگی اتے نا پسندیدگی کوں ھک پاسے رکھیندے ہوئیں اساکوں افغان عوام دی مدد کرݨ??ی چاہیدی اے ، عوام کوں غربت توں کڈھݨ کیتے چین ساݙا رول ماڈل اے ، دنیا ھک ٻئی سرد جنگ دی متحمل نی تھی سڳدی ، ایجھی صورتحال پیدا نی تھیوݨی چاہیدی جو دنیا ݙو حصیں اچ ونڈیج ونڄے ، اے ڳال انہاں چینی ٹی وی ’سی جی ٹی این ‘کوں انٹرویو ݙیندے ہوئیں آکھی اے ۔ وزیراعظم آکھیے جو میں اپݨی زندگ?? دے 20 سال بین الاقوامی کھیݙ اچ حصہ گھنݨ اچ گزاریے ، جݙاں توں میں وزیراعظم بݨیاں میکوں ٹی وی ??ے وی کھیݙاں دے مقابلے ݙیکھݨ دا موقع گھٹ ملدے ، انہاں آکھیے جو بیجنگ اچ سرمائی اولمپکس ݙیکھݨ میں کیتے خوشی دا باعث اے۔ ھک سوال دے ولدے اچ انہاں آکھیے جو پاکستان اتے چین دے تعلقات ایجھے منفرد ہن جو ویلھے دی ہر آزمائش تے پورے لہسن ۔پاکستان اتے چین جنہاں وی مشکلات توں گزاریے ساݙے تعلقات ہر امتحان اچ سرخرو رہیے ??ے ویلھے دے نال نال ٻئے تکڑے تھیندے ڳئن۔ انہاں آکھیے جو سی پیک ٗصدر شی جن پنگ دے بیلٹ اینڈ روڈ منصوبے دااہم ترین جزو اے۔ میݙا خیال اے جو جݙاں میں وزیراعظم لی اتے صدر شی جن پنگ دے نال ملساں تاں انہاں کوں آکھساں جو اینکوں مزید ودھایا ونڄے ۔ اے مواصلاتی رابطے تے توانائ?? دے پیداواری منصوبیں توں شروع تھیا ہݨ اساں اے چاہندوں جو اے اڳلے مرحلے دے پاسے ودھے جیڑھا جو صنعتی ترقی ، انفارمیشن ٹیکنالوجی اتے ساریں توں ودھ تے زراعت دے شعبے تے مشتمل اے کیوں جو زراعت ساݙے ملک دا اہم ترین شعبہ اے ۔اساکوں آپݨی ودھدی آ??ادی کیتے غذائی تحفظ دی لوڑھ اے ایں کیتے ٻہوں ضروری اے جو اساکوں آپݨی زرعی پیداوار ودھاوݨ اچ چین دا تعاون حاصل ہووے۔ ھک سوال دے ولدے اچ انہاں آکھیے جو میݙے خیال اچ پاکستان تے چین دے تعلقات توں پورے خطے اچ استحکام آئے۔ بدقسمتی توں ایں ویلھے پاکستان دا ساریں توں وݙا مسئلہ جیڑھا جو کہیں حد تئیں چین دا وی مسئلہ اے او ساݙا وݙا ہمسایہ بھارت اے ۔ میں انہاں لوکاں وچوں ہاں جیڑھے پکا یقین رکھیندن ۔ اساکوں آپݨے سارے اختلافات سیاسی گال مہاڑ دے ذریعے حل کرݨے چاہیدن تاں جو اے بد قسمتی اے جو بھارت اچ ھک انتہا پسند قوم پرست حکومت اے۔ 74 سال پہلے ساݙی آ??اد?? دےویلھے توں کݙاہیں بھارت اچ ایجھی حکومت نی رہی ، اے ساݙی بدقسمتی اے جو اساکوں اے ٻہوں اوکھا محسوس تھیندے جو اساں ایں حکومت دے نال اڳوں کیویں ودھوں خاص طورتے کشمیر دی وجہ توں ، کشمیر بھارت دے نال ساݙا ھکو جھیڑا اے ۔ بجائے ایندے جو ایں مسئلے کوں حل کیتا ویندا ، بھارت صورتحال خراب بݨا ݙتی ۔ ایں کیتے اے ھک مسئلہ اے ۔ تے میں امید کرینداں جو وختی یا دیر نال ایں مسئلے کوں ڳال مہاڑ دے ذریعے حل کر گھنسوں ۔ جے ایں کوں ھک پاسے رکھ تے ݙیکھوں تاں چین اتے پاکستان دے تعلقات خطے اچ استحکام گھن آئے افغانستان دے حوالے سوال نال سوال دا ولدا ݙیندے ہوئیں انہاں آکھیے جو پاکتان تے چین وچال ایں ڳال تے اتفاق اے جو کہیں قوم اتنیاں مصیبتاں نی جھلیاں جتنا افغان عام ، انہاں 40 سال تئیں جیڑھی ھک چیز ݙٹھی اے او صرف جنگ اے اے پہلی واری تھئے جو اتھاں امن دا موقع ملیے ۔میݙی ترجیح پاکستان دی 22 کروڑ عوام ہن۔ میں ایں صورت اچ ہی پسماندہ لوکاں کوں غربت توں کڈھ سڳداں جیں توں معیشت اچ بہتری آ??ی تے معاشی بہتری استحکام اتے امن توں آںدی اے جے تساکوں جھیڑے دا سامݨا ہووے تاں ساریں توں پہلے معیشت متاثر تھیندی اے تے اے ساریں توں چھیکڑی ڳال ہوسی جو اساں چاہسوں ۔ وزیراعظم نویں قمری سال دے آغاز تے چینی عوام کوں مبارک باد ݙتی تے ایں امید دا اظہار کیتے جو آوݨ آلا سال چین اتے باقی دنیا دے امن و خوشحالی داباعث ہووے۔
پاکستان تے چین دے تعلقات توں پورے خطے اچ استحکام آئے ، بھارت کشمیر دی صورتحال خراب بݨا ݙتی ، بھارت دی انتہا پسند حکومت نال اڳوں ودھݨ بہوں اوکھا اے ،وزیراعظم عمران خان
مضمون کا ماخذ : números da sorte loteria
متعلقہ مضامین
.jpg)
