اسلام آباد۔19دسمبر (اے پی پی):??زی??اعظم عمران خان آکھیے جو ھک مستحکم افغانستان ہی خطہ کیتے بہتر اے ، افغانستان دی موجودہ صورتحال سنگین اے ،افغان عوام دی مدد کرݨ کیتے وختی اقدامات دی لوڑھ اے ، افغانستان توں ہمسایہ ملکاں اچ مہاجرین دی آمد روکݨ کیتے افغانستان اچ مستحکم حکومت ضروری اے، پاکستان پہلے ہی 30 لکھ توں ودھ افغان مہاجرین دی چار ݙھاکیں تون میزبانی کریندا پئے ، ہر معاشرے اچ انسانی اتے تریمتاں دے حقوق دا تصور مختلف اے، اساکوں انہاں حقوق دے حوالے نال حساسیت دا ادراک کرݨا ہو سی، جے کوئی حکومت اپݨے ملازمین ، طبی عملہ کوں تنخواہیں نی ݙے سڳدی تاں او مستحکم نی رہ سڳدی ، اسلامی تعاون تنظیم دے رکن ملکان کوں فلسطین ا??ے کشمیر دے جھیڑے دے حل کیتے متعلقہ قرارداداں تے زور ݙیوݨا چاہیدے ، اسلاموفوبیا ھک اہم مسئلہ اے، نائن الیون دے بعد اے خطرناک حد تئیں ودھ ڳئے ، او آئی سی ایندے سد باب کیتے آپݨا کردار نبھاوے ، افغانستان دے موجودہ بحران توں نکلݨ کیتے وزرائے خارجہ کونسل ٹھوس حکمت عملی وضع کرے،امید اے جو او آئی سی پر امن افغانستان کیتے آپݨا کردار ادا کریسی ، او اتوار کوں اتھاں اسلامی تعاون تنظیم (او آئی سی) دے وزرائے خارجہ کونسل دے 17 ویں اجلاس توں خطاب کریندے پئے ہن ۔ اجلاس توں او آئی سی دے سیکرٹری جنرل حسین ا??راہیم طہٰ ، اسلامی ترقیاتی بینک دےچیئرمین ڈاکٹر محمد سلمان الجاسر، اقوام متحدہ دے ڈپٹی جنرل سیکرٹری انسانی حقوق ، سعودی عرب دے ??زی?? خارجہ شہزادہ فیصل بن فرحان، ترکی دے ??زی??خارجہ میولت کائوسگلو، اردون دے ??زی?? خارجہ ایمن الصفدی، نائیجیر دے ??زی??خارجہ یوسف محمد اتے ??زی?? خارجہ شاہ محمود قریشی وی خطاب کیتا۔ ??زی??اعظم عمران خان سارے شرکا دا خیر مقدم کریندے ہوئیں آکھیے جو اسلامی تعاون تنظیم دا اے غیر معمولی اجلاس افغانستان دے موجودہ بحران تے غور کیتے سݙیا ڳئے ۔ جتنی اوکھ افغانستان دے عوام چاتی اے کہیں ٻئے نی چاتی ۔ افغانستان دے حالات دی وجہ توں ساریں توں ودھ ضیان پاکستان چاتے ، افغانستان چار ݙھاکیں توں خانہ جنگی دا شکار اے، اتھاں دی ھک وݙٰی آبادی نقل مکانی کیتی۔ دنیا دے کہیں ملک افغانستان توں ودھ مسئلے نی ݙٹھے ، انہاں آکھیے جو اے اطمینان دی ڳال اے جو کانفرنس اچ شریک سارے مہمان افغانستان دی صورتحال توں آگاہ ہن۔ انہاں آکھیے جو افغانستان دا بینکنگ دا نظام جمود دا شکار اے ، کہیں وی ملک دے بینکنگ دے نظام اچ جمود توں ایندے ملک اچ استحکام نی آسڳدا ۔ افغانستان دا مسئلہ 4 کروڑ انساناں دا مسئلہ اے۔ افغانستان دے موجودہ بحران اچ پہلے ہی دیر تھی ڳئی اے ، اتھاں قائم تھویݨ آلی جامع حکومت دے عبوری ??زی??خارجہ لاتیاں ڳیاں ترائے شرائط دے حل دے عزم دا اعلان کیتے۔ ??زی??اعظم آکھیے جو ہرمعاشرے اچ انسانی حقوق اتے تریمتاں دے حقوق دا تصور اے ۔پاکستان اچ خیبر پختونخوا دا کلچر افغانستان نال ملدے جلدے ۔ شہری اتے دیہاتی علاقیں دے کلچر اچ واضح فرق اے۔ اساکوں انسانی تے خواتین دے حقوق دے حوالے نال حساسیت دا ادراک کرݨا چاہیدے ، انہاں آکھیے جو افغانستان اچ حکومت کنے آپݨے ملازمین ا??ھاں تئیں جو ڈاکٹراں اتے طبی عملے کوں ݙیوݨ کیتے تنخواہیں کائنی ، ایجھی کوئی حکومت مستحکم نی رہ سڳدی۔
افغانستان دے موجودہ بحران توں نکلݨ کیتے او آئی سی دی وزرائے خارجہ کونسل ٹھوس حکمت عملی وضع کرے، وزیراعظم عمران خان
مضمون کا ماخذ : جنگل کے راز
متعلقہ مضامین
.jpg)
