اسلام آباد۔3دسمبر(اے پی پی) د اطلاعات او خپرونو وفاقي وزير چوهدري فواد حسېن وئيلي دي پاکستان تھائي لېنډ سره د سياسي تړون او د تجارتي او دفاعي اړيکو پياوړتيا په بنياد ستراتيجيكي همكارۍ له خوښي لري٬ د دواړو هېوادونو ترمينځه تجارت او سرمايه كارۍ ته وده وركولو ته پام لرنه كوو۔ د پاكستان د جيو اكنامك پالېسۍ مقصد د جيو اكنامك چاپېريال څخه ګټه پورته كول ٬ تړون لا مضبوطول او سيمه ايز امن او پرمختګ دے۔ د دې خيالاتو څرګندونه هغه د جمعې په ورځ د تھائي لېنډ قامي ورځې په موقع دستورې ته خپل خطاب كښې وكړه۔ د اطلاعات وفاقي وزير ووئيل پاكستان او تھائي لېنډ پخوانۍ٬ نزدې او دوستانه اړيكې لري او سږ كال مونږ د خپلې ملګرتيا 70مه كاليزه لمانځو۔ هغه ووئيل دواړه هېوادونه په څو اړخيزو فورمونو کښې د بېلا بېلو سيمه ايزو او نړيوالو مسئلو په اړه نزدې نظر او همغږي لري او د څو اړخيزو او سيمه ايزو همکاريو ټينګ ملاتړ كوي۔ چوهدري فواد حسېن ووئيل اووه لسيزې وړاندې د سفارتي اړيكو په ځائې كېدو مونږ د دوه اړخيزه اړيكو پراختيا او تنوع ته ډېر اهميت وركوو۔ هغه ووئيل د تھائي لېنډ لك وېسټ”Look West“ پالیسی او د پاکستان”وژن ایسټ ایشیاﺀ“ پالیسی دوه اړخيزه اړيكو لپاره پراخا ګنجائش لري۔ ده ووئيل په تھائي لېنډ كښې نزدې د 5000 پاكستانيانو نه علاوه د پاكستاني نژاد تھائي وګړو فعاله ټولنه هم شته كومه چې د تھائي پښتنو په نامه پېژندلې شي او كومه چې د دواړو هېوادونو د اولسونو ترمېنځه د پل كردار لوبوي۔ هغه ووئیل دا د خوشحالۍ خبره ده چې دا خلک د تھائي لېنډ په ټولنه کښې ګډ شوي او تجارت ، اولسي خدمات او سیاست كښې برخه اغستو سره تھایي لېنډ لپاره یوه اثاثه ثابت شوي۔ وفاقي وزير ووئيل دا مهال 6 پاكستانيان د تھائي ايوان غړي او دوه سېنېټرز دي۔ وفاقي وزير ووئيل په اوسنو كلونو كښې دوه اړخيزه تجارت كښې زياتوالې خوشبينه دے۔ په كال 2020ء كښې دوه اړخيزه تجارت 1105.80 ملینه امریکائي ډالره وو۔ وفاقي وزير ووئيل د پاکستان د بدھ مت ورثه د تھائي لېنډ خلکو سره قوي تاریخي او کلتوري اړیکو لپاره د اساس حېثيت لري۔ ټېکسیلا د تھائي لېنډ په خلکو کښې ډېر مقبوليت لير۔ هغه ووئیل مونږ د خپلې سېلګرۍ څانګې ته وده ورکولو او په دې كښې عصري آسانۍ رامخې ته كولو ته لېواله يؤ٬ د تھایي لېنډ خلکو لپاره زموږ د بودا سایټونه او په شمال کښې ښکلي غرونه زړه راكښونكې ځایونه دي۔ د اطلاعات وفاقي وزير د فلم او ډرامې په څانګه كښې د دواړو هېوادونو ترمېنځه د اړيكو په زياتولو هم زور راوړو۔ هغه ووئیل مونږ پاکستان ته د تهائي وګړو راتګ ته سترګې په لار یؤ ٬ د سفر او سېلګرۍ اسانتیا لپاره مونږ خپل ویزا سېسټم ساده کړے او د تھائي لېنډ په ګډون نزدې ټولو هیوادونو کښې د ای ویزا او د وېزا آن اریول آسانۍ پراخه كړې شوي
پاکستان تھائي لېنډ سره د سياسي تړون ٬ د تجارتي او دفاعي اړيکو پياوړتيا په بنياد ستراتيجيكي همكارۍ له خوښي لري٬ د دواړو هېوادونو ترمينځه تجارت او سرمايه كارۍ ته وده وركولو ته پام لرنه كوو ٬ چوهدري فواد حسېن
مضمون کا ماخذ : کوئی شہزادی۔
متعلقہ مضامین
