اسلام آباد۔21نومبر(اے پی پی) وزیراعظم دے کوآرڈینیٹر صحت ڈاکٹر مختاراحمد بھرتھ آکھیے صحت دے تحفظ دا قومی لائحہ عمل 28 ۔ 2024 ملک دے صحت مند مستقبل دے پاسے سفر اچ اہم سنگ میل اے ،نیشنل ایکشن پلان ہر پاکستانی دی حفاظت، صحت تے خوشحالی یقینی بݨاوݨ سانڳے حکومتی عزم دا اظہار اے۔ اے ڳالھ انھاں صحت دے تحفظ دا قومی لائحہ عمل 2024۔2028 بارے تقریب توں خطاب کریندے آکھی ۔ ڈاکٹرمختار احمد بھرتھ آکھیے صحت دے تحفظ دا قومی لائحہ عمل صحت مند مستقبل دے پاسے پاکستان د?? سفر اچ ھک اہم سنگ میل تے صحت دے تحفظ بارے قومی منصوبے دی تکنیکی دستاویز ہیلتھ سکیورٹی سانڳے پالیسی فریم ورک وی اے ۔ انہاں آکھیے جو نیشنل ایکشن پلان ہر پاکستانی دی حفاظت، صحت تے خوشحالی یقینی بݨاوݨ سانڳے حکومتی عزم دا اظہار اے ، صحت دے تحفظ بارے قومی لائحہ عمل دے مقاصد پاکستان د?? وسیع تر قومی صحت دے وژن توں وی ہم آہنگ ہن۔ ڈاکٹر مختار بھرتھ آکھیے صحت دی حفاظت کوں ترجیح ݙیوݨ معاشی استحکام ت?? سماجی بہبود دا باعث بݨسی ، نیشنل ایکشن پلان ہیلتھ سکیورٹی دی جامع دستاویز اچ قومی تےصوبائی سطح سانڳے آ??ری??نل منصوبے شامل ہن ۔ آ??ری??نل منصوبے اڳلے پنج سالاں کیتے اڳوں ودھݨ دا رستہ بݨیندن ، لائحہ عمل دی دستاویز اچ قومی صحت دی سلامتی سانڳے رہنما اصول تیار کیتے ڳئن ۔ ڈاکٹر مختار بھرتھ آکھیے تکنیکی معاونت تے برطانیہ دی حکومت تے پاکستان اچ برطانوی ہائی کمیشن دا شکریہ ادا کرینداں ، برطانیہ داغیر متزلزل تعاون صحت دے تحفظ بارے قومی لائحہ عمل بݨاوݨ تے ٻئے اقدامات تے عمل درآمد سانڳے وی اہم رہیے۔ ڈاکٹر مختار بھرتھ آکھیے صحت دے تحفظ دے اپݨے کلیدی شراکت داراں تے بین الاقوامی امدادی اداریں تے عالمی ادارہ صحت دے ??کر گزار ہیسے۔
