اسلام آباد۔31اکتوبر(اے پی پی) صدر ډاكټر عارف علوي د پاكستان او آئرلېنډ ترمېنځه د دوه اړخيزه تجارت حجم زياتولو په ضرورت زور راوړلو سره وئيلي چې آئرېش كمپنو ته دې په پاكستان كښې د سرمايه كارۍ بلنه وركړې شي كومې چې د پاكستان بهرنۍ سرمايه كارۍ لپاره ګټور نظام څخه استفاده كولې شي۔ صدر مملكت د دې خيالات څرګندونه آیرلېنډ لپاره د پاکستان له نومول شوې سفیرې عائشه فاروقي سره خپلو خبرو كښې وكړه كومې چې ده سره د ګل په ورځ په ايوان صدر كښې ملاقات وكړو۔ له سفیرې سره په خبرو کښې صدر مملكت ووئيل آیرلېنډ كښې د آئي ټي هنرمند ځوانانو او اسټارټ اپس لپاره د آن لائن ملازمتونو ترلاسه كولو بلها موقعې موجود دي ولې چې اروپا كښې زياتو نه زياتې آئي ټي كمپنۍ خپل هېډ كوارټر آئرلېنډ ته منتقل كوي كوم چې د اروپا سېلېكون وېلي ده۔ صدر مملكت هيله څرګنده کړه چې د آيرلېنډ لپاره نومول شوې سفيره به له آيرلېنډ سره د پاکستان د ګټورې همكارۍ لا ژورولو لپاره کار وکړي او د دوه اړخيزو اړيکو په شمول د دوه اړخيزه ګټورو همکاريو پراختيا لپاره به بامعني اقدامات وكړي۔ ده ووئيل د پاكستان كوانټم كپيوټنګ تحقيقي پروګرامونو كښې د يو فعاله همكار جوړولو پلو به پام ګرځول وي۔ صدر مملكت د جی ایس پی پلس د روانې څلورمې دوه کلنې بیاکتنې او د 2023 نه وروسته د جی ایس پی نوې سکیم پیلولو په مهال د پاکستان لپاره د آئرلینډ ملاتړ مهم وګرځولو۔ ده د روان کال په اکتوبر مياشت کښې په اسلام آباد کښې د آيرلينډ د حکومت لخوا د سفارت پرانستل هم يو ښه ګام بللو سره ووئيل دا به د دواړو هېوادونو ترمنځ د متقابلو ګټورو او دوستانه اړيکو د لا پياوړتيا په برخه کښې مرسته وکړي۔ صدر مملكت ووئيل په آيرلېنډ كښې د 25000 نه زيات پاكستانيان مېشته دي چې په دې كښې پاكستاني زده كوونكي او پروفېشنل وګړي هم شامل دي۔ ده ووئيل لوړې زده کړې د دوه اړخيزو همکاريو يوه مهمه برخه ده او ټاکل شوې سفيره بايد د آيرلنډ په پوهنتونونو کښې د زده کړې لپاره د آيرلنډ سکالرشيپونو په ترلاسه کولو کښې د پاکستاني زده كوؤنكو مرسته وكړي۔ صدر زیاته کړه چې د هند د قابض ځواكونو لخوا په غیر قانوني توګه قبضه كړې شوي جمو او کشمیر کښې د بشري حقونو خلاف ورزۍ دې په ګوته كړې شي۔ ده ووئيل جمو او کشمیر یوه نړیواله شخړه ده او باید د ملګرو ملتونو د سلامتي كونسل د اړوندو قراردادونو او د کشمیري اولس د هیلو له مخې حل شي۔ ده زياته كړه چې ضرورت د دے خبرې دې چې نړیواله ټولنه په ځانګړې توګه ملګري ملتونه او د دې د بشري حقونو مشينري حساسه جوړه كړي۔ دغسې چې هغه په هند كښې د اسلامو فوبيا په تندۍ سره د ناوړه كېدونكي صورتحال نوټس واخلي او هند د مسلمانانو په سلامتيا او خېر ښېګړه باوري كولو كښې د ناكامۍ ذمه وار وګرځوي
آئرېش کمپنیو ته دې په پاکستان کښې د سرمایه کارۍ بلنه ورکړې شي، كمپنۍ د پاکستان د ګټورې بهرنۍ سرمایه کارۍ نظام څخه ګټه پورته كولې شي ، د صدر ډاکټر عارف علوي آئرلینډ لپاره د پاکستان نومولې شوې سفیرې عائشه فاروقي سره خبرې
مضمون کا ماخذ : اسکریچ کارڈ پاکستان
متعلقہ مضامین
