دہشت گردی دے خاتمے کیتے پولیس فرنٹ لائن دا کردار اداکیتا، پولیس دے نینگراں تے افسراں اپنڑیاں جاناں دا نذرانہ ڈتا ،قوم دے سارے شہید اساڈے ہیرو ہن
اسلام آباد ۔ 23 جنوری (اے پی پی) وزیر داخلہ احسن اقبال منگل کوں اتھاں انسداد دہشت گردی فورس دی پاسنگ آﺅٹ پریڈ توں خطاب کریندے ہوئیں آکھیا اے جو دہشت گردی دے خاتمے کیتے پولیس فرنٹ لائن دا کردار ادا کیتے تے پولیس دے نینگراں تے افسراں پاکستانی قوم کوں دہشت گردی دے خلاف جنگ جتنڑ کیتے اپنڑیاں جاناں د ا نذرانہ پیش کیتا ۔ایں حوالے نال اساڈی مسلح فوج وی قربانیاںڈتیاں ہن، انٹیلی جنس اداریں وی اہم کردار ادا کیتے جڈاں جو پاکستانی قوم وی اپنڑے اداریں دی کنڈ تے کھڑے تھی تے کردار ادا کیتے ۔انہاں آکھیا جو قوم سارے شہیداں تے جیرھے جو فوج ،پولیس تے شہریاں نال تعلق رکھیندن او سارے اساڈے ہیروہن ۔اساں امن نال رہندے پیوں جیں دی قمیت شہیداں اپنڑے خون نال ادا کیتی اے جیں سانگے پوری قوم انہاں دی احسان مند اے ۔ وزیر داخلہ آکھیا جو اج تساں جیرھا حلف چاتے ایندا ہک ہک لفظ و??ن دی دھرتی نال محبت تے و??ن دی آزادی کیتے ہر لمحہ وقف کرنڑ دے جذبے نال سرشار اے ،دعا اے جو اللہ سئیں تساکوں ایں حلف دی لاج رکھنڑ دی توفیق تے طاقت ڈیوے ۔وزیر داخلہ آکھیا جو میں تساڈی تربیت دا مظاہرہ ڈٹھا جیں کوں ڈیکھ تے میکوں ودھ ساری خوشی تھی اے جو مسلح فوج دے کمانڈوز تے انسٹرکٹر دی نگرانی اچ تساں بہترین صلاحیت گھدی اے ۔انہاں آکھیا جو میکوں اپنڑے نینگراںدے نال نال اپنڑیاں دھیریں تے وی فخر اے جنہاں بہترین صلاحیت گھن تے ایندا بہترین مظاہرہ کیتے ۔وزیر داخلہ آکھیا جو دہشت گردی کوں مکاونڑ کیتے پاکستان دیاں دھیریں وی قوم دے پتریں نال کھڑین ،اساکوں انہاں تے وی فخر اے ۔انہاں آکھیا جو اج پاکستان نویں مرحلے اچ داخل تھیندا پے ،گزریل کئی سالاں اچ سیکورٹی دے مسلیں دی وجہ توں ملک اقتصادی طور تے کچا تھی گے تے کوئی وی سرمایہ کار اتھاں وی سرمایہ کاری سانگے تیار کائناں ہا جیں دی ساریں توں وڈی وجہ سیکورٹی دی خراب صورت حا?? ہئی تاں جو 2013دے بعد حکومت انہاں چیلنج نال نبڑنڑ دا فیصلہ کیتا تے او ملک جتھاں 20گھنٹے بجلی کائناں آندی ہئی اتھاں ہنڑ 20گھنٹے توں ودھ وقت کیتے بجلی دستیاب اے تے بہوں وختی لوڈشیڈنگ دا خاتمہ تھی ویسی ۔ وزیر داخلہ آکھیا جو گزریل چار سالاں اچ حکومت 10ہزا?? میگاواٹ بجلی بنڑائی جڈاں جو ملکی تاریخ دے 66سال اچ 14ہزا?? میگاواٹ تئیں بجلی پیدا کیتی گی ۔ وزیر داخلہ آکھیا جو گزریل چارسالاں اچ اپریشن ضرب عضب، ردالفساد اتے نیشنل ایکشن پلان دے ذریعے قوم دہشت گرداں دی چیل بھن ڈتی اے ہنڑ دہشت گردی پاکستانی ریاست دی وکیڑ اچ ان اتھوں بھجدے پن ۔اے جیرھے کجھ بزدلانہ کاروائیاں کریندن انہاں دا پیچھا اوں وقت تئیں جاری رکھیسوں جڈاں تئیں ملک کوں پورے طور تے محفوظ نی بنڑا گھندے تے ہک ہک دہشت گرد دا خاتمہ نی کر ڈتا ویندا ۔وزیر داخلہ آکھیا جو اساں اپنڑیاں آندیاں نسلاں کوں ??ک محفوظ ، پر امن تے یکجہتی دے معاشرے تے مبنی پاکستانی ڈیونڑ چاہندوں جتھاں کہیں وی مذہب نال تعلق رکھنڑ آلا پاکستانی خود کوں ??ک خاندان تے ہک قبیلے دا بندہ سمجھے خود کوں اتنا ہی محفوظ تے معتبر سمجھے جتنا کوئی بیا اے۔ وزیر داخلہ آکھیا جوپاکستان ہک خاندان ہے جیں اچ مختلف رنگ دے پھل ہن جیرھا جو ہک گلدستہ ہے تے پاکستان دا ایہو وژن اے ۔ اساں ہر حال اچ ایندی حفاظت کوں ??قینی بنڑاونڑاں اے ۔
وزیر داخلہ احسن اقبال دا انسداد دہشت گردی فورس دی پاسنگ آﺅٹ پریڈ توں خطاب
مضمون کا ماخذ : وائکنگز گو برزرک
متعلقہ مضامین
