اسلام آباد 18 مئي (اے پي پي)وزيراعظم شهباز شريف د اروپائي ائتلاف سره د اړيكو په اهميت زور راوړولو كښې وئيلي دي پاكستان د اروپائي ائتلاف غړو هېوادونو سره خپلې دوه اړخيزه اړيكې لا ژورې او پراخا كول غواړي٬په افغانستان كښې د بشري او معاشي بحران مخ نيوے زر تر زره پكار دے٬د ملګرو ملتونو سلامتي كونسل قراردادونو او د كشميريانو د خوښې ترمخه د كشمير شخړه پرامن حل كول او دغسې د روس او يوكرين شخړه د ملګرو ملتونو چارټر ترمخه حل كولو نړيوال٬قوانين او په ګڼ اړخيزه لوظ نامو عملدرآمد ته اړتيا ده۔د وزيراعظم مېډيا آفس نه د جاري بيان ترمخه ده د شورو په ورځ د اروپائي ائتلاف كونسل صدر چارلس مائيكل سره ټېليفوني خبرې كولې۔وزيراعظم په خپلو خبرو كښې د اروپائي ائتلاف(اي يو)هېوادونو سره د اړيكو اهميت په رامخې ته كولو كښې ووئيل پاكستان د اروپائي ائتلاف غړو هېوادونو سره خپلې دوه اړخيزه اړيكې لا ژورې او پراخه كول غواړي دغسې وزيراعظم د اروپائي ائتلاف كونسل صدر ارسولا وان ډرلي لين سره د دې نه وړاندې د كړو خبرو اترو حواله وركولو سره د پاكستان (اي يو) دوه اړخيزه تبادلو او په زياتېدونكې مرسته د اطمينان څرګندونه وكړه۔ده د اروپائي ائتلاف سره د ګټورې تجارتي او اقتصادي مرستې لپاره د پاكستان پخوانے موقف رامخې ته كولو سره ووئيل د جي اېس پي پلس آسانيو د لارې پاكستان د دې جوګه ګرځېدے شي چې د ائتلاف سره خپل تجارت زيات كړي۔وزيراعظم باور ښكاره كړو چې د پاكستان او اروپائي ائتلاف د تزويراتي خبرو اترو منصوبه د پاكستان او ائتلاف ترمينځه يو مهمه تګلاره ده۔دې سره به د دواړو اړيكو په خاص توګه٬تجارت٬پرمختګ او موسمياتي بدلونونو په اړه اړيكو پراخا كېدو له مرسته ترلاسه شي۔د افغانستان په حقله ده د يو مستحكم امن لرونكي افغانستان په ضرورت زور راوړولو سره ده ووئيل په افغانستان كښې د بشري او معاشي بحران مخ نيوي له په بېړني بنيادونو ضروري ګامونه اغستل پكار دي۔د يوكرين په حقله وزيراعظم د خپل تشويش سره د دې شخړې په پرمختګ كوونكو هېوادونو اثرات رڼا واچوله او په دې مسئله يې د پاكستان د اصولي موقف پخلے وكړو۔ده ووئيل نړيوال قوانين ٬ د ملګرو ملتونو چارټر او د ګڼ اړخيزه لوظ نامو ترمخه د مسئلې سفارتي حل دې ولټولې شي۔د هند په غېر قانوني قبضه كړي كشمير كښې په سنجيده صورتحال خپلو خبرو كښې ده د پاكستان په منطقه كښې د امن ودې له د عزم پخلي كولو سره ووئيل د ملګرو ملتونو او كشميري اولس خوښې ترمخه دا پخوانۍ د كشمير شخړه حل كولو ته اړتيا ده ۔دا د سوئېلي آسيا سلامتيا او تل پاتې امن لپاره ناګزير ده۔ دغسې وزيراعظم په دې مهال د اروپائي ائتلاف د كونسل صدر له د پاكستان دورې كولو بلنه هم وركړه
پاكستان د اروپائي ائتلاف سره دوه اړخيزه اړيكې لا ژورې او پراخه كول غواړي۔وزيراعظم شهباز شريف
مضمون کا ماخذ : میگا مولا۔
متعلقہ مضامین
