اسلام آباد۔13جنوری(اے پی پی) د منصوبه بندۍ او پرمختګ وفاقي وزير پروفېسر احسن اقبال وئيلي دي چې د پاکستان د اقتصاد بنيادونه مضبوط دي او ډېر زر به له بحران څخه راووځي. برېتانوي خبري اژانس سره خبرو كښې ده ووئيل اقتصادي ستونزې خو زياتې دي خو د ډيفالټ كېدو هېڅ خطر نشته۔ ده ووئيل د پاكستان د معيشت بنيادونه مضبوط دي او ډېر زر به له بحران څخه راووځي۔ ده ووئيل د سېلاب د تباھۍ دلاسه 17 سوه نه زيات كسان مړه شوي٬ 90 لكه نه زيات بې وزلۍ او 80 لكه كسان د خوراکي موادو له كمښت سره مخ شوي دي۔ ده ووئيل په جينوا كنفرنس كښې د لس اربه ډالرو نه د زياتې مرستې وعده وكړې شوه٬ د سېلاب نه وروستو د بحالۍ كار روان دے۔ احسن اقبال ووئيل د سېلاب د زيانونو ازاله به د دوه نه تر درې كاله موده اخلي۔ د سېلاب ځپليو بحالۍ لپاره حكومت د درې كالو ايجنډا جوړه كړې ده۔ وفاقي وزير ووئيل د بيا رغونې ايجنډې له مخې به حكومت 50 فيصده وسائل برابروي او پاتې به په جنېوا كنفرنس كښې د اعلان شوې نړيوالې مرستې څخه برابرولې شي۔
د پاکستان د اقتصاد بنيادونه مضبوط دي ډېر زر به له بحران څخه راووځي٬ احسن اقبال
مضمون کا ماخذ : کمپیوٹر لاٹری کے نمبر
متعلقہ مضامین
