اسلام آباد 12اپرېل(اے پی پی)وزيراعظم شهباز شريف وئېلي دي تباه شوے معيشت بحالول او په ګرانۍ قابو موندل تر ټولو لويې چېلنجونه دي ٬عمران خان دوست هېوادونه هم مرور كړي٬د ادارو په ضد كمپائن چلوونكي به قانون سره مخ كولې شي٬د سياسي هلو ځلو اجازه شته د اړي ګړي خپرولو نه٬د مېرټ نه اخوا به كوم كار نه كېږي۔د دې خيالاتو څرګندونه ده د نهې په ورځ وزيراعظم هاؤس كښې مېډيا سره په خپلو خبرو كښې وكړه۔وزيراعظم ووئيل اوس پنجاب اسپيډ نه پاكستان اسپيډ به وي٬چا چې د هېواد وسائل ناجائزه وكارول قانون به خپله لاره جوړوي۔د يوې پوښتنې په ځواب وزيراعظم ووئيل د متحده قومي موومنټ غړو سره زما ملاقات شوے۔سبا به مزار قائد ته ځم۔د يوې پوښتنې په ځواب ده ووئيل د پارليمان يو نيم كال پاتې دے مونږ څومره موده پاتې كېږو دا پريكړه به ټولو اتحاديانو سره په ګډه كوو٬ ده ووئېل (ن)ليګ خو دا سوچ لري چې اصلاحات وكړو او ټاكنې وشي ۔ده ووئيل تر ټولو لويې چېلنج د تباه شوي معيشت بحالول او په ګرانۍ قابو موندل دي۔د يوې پوښتنې په ځواب ده ووئيل د سياسي هلو ځلو ټولو ته اجازه ده خو د اړي ګړي اجازه نشته۔ده هيله څرګنده كړه چې پيپلز پارټي به د كابينې برخه وي۔ده ووئيل بايد اتحادي حكومت كښې د ټولو برخه وي۔د يوې پوښتنې په ځواب ده ووئيل كه صدر مملكت ناروغه وي نو لوي څښتن دې هغه له صحت وركړي۔د آئين ماتونكو په ضد به د سپريم كورټ په امر عمل كوو۔ده ووئيل ګرانۍ كمولو لپاره شارټ او مېډيم ټرم پلان جوړوؤ۔په خبرو قامونه نه جوړېږي٬د اتوار په ورځ به هم كار كول وي۔دوه رخصتۍ خوشحاله قامونه كوي۔وزيراعظم ووئيل مونږ چاته هم څه نه وائيو ادارې به خپل كار كوي٬د ادارو په ضد كمپائن چلوونكي به قانون سره مخ كولې شي۔د يوې پوښتنې په ځواب ده ووئيل د كشمير او افغانستان په اړه بريفنګ پارليمان كښې شوے نو په ليټر ګيټ به ولې نه كېږي ۔مودي له مو مشوره وركړې چې د كشمير مسئلې حل كولو سره تل پاتې امن پلو مخ په وړاندې لاړ شوو ۔ده ووئيل د سټېټ بېنك ګورنر سباؤن په اړه به مشاورت كېږي۔تحريك انصاف خزانه خالي پرېښودې٬عمران خان دوست هېوادونه هم مرور كړي ٬ كوم هېوادونه چې زمونږ ملګري جوړېدل هغوي سره هم اړيكې خرابې شوي۔ده وزيراعظم هاؤس په پاكستان هاؤس د بدلولو اعلان سره ووئيل وزيراعظم هاؤس ته به د ټول پاكستان څخه بيورو كريسي راوستلې شي۔بيورو كريسي ته په ډاګه شوې چې د مېرټ څخه اخوا د كوم كار زه هم اووائيم نو منع دے كړے شم۔وزيراعظم ووئيل ټولې پريكړې به په مشاورت كولې شي
تباه شوے معيشت بحالول او په ګرانۍ قابو موندل لويې چېلنجونه دي ٬د ادارو په ضد كمپائن چلوونكي به د قانون سره مخ كولې شي٬اوس به پنجاب اسپيډ نه پاكستان اسپيډ وي۔ د وزيراعظم شهباز شريف مېډيا سره خبرې
مضمون کا ماخذ : ولف گولڈ
متعلقہ مضامین
