اسلام آباد 03 جولائي (اے پي پي) د وزیراعظم د خارجه چارو صلاحكار سرتاج عزيز وئيلي دې كشميريانو ورونړو خوېندو له باور وركوٶ چې پاکستان د مقبوضه کشمیر په اړه پخپل اصولي دريځ كلك ولاړ دے۔ د كشميريانو د هلو ځلو مرسته به روانه ساتو۔ ځكه چې د كشمير كاز د هر پاكستاني د زړه غږ دے او ټول پاكستانے قام د كشميريانو ورونړو سره ولاړ دے٬ د كشمير كشالې نه غېر به هند سره خبرې اترې نه كوٶ٬ كه د کشمیر اټوټ انګ هندې دعوٰې رښتنې وي نو هند دې د ملګرو ملتونو په نګرانۍ كښې د رائيو شميرو ته راضي شي٬ ھغوې ته به د خپل حېثيت اندازه ولګي٬ د کشمیر 99 فیصده خلق به د پاكستان ملګرتيا وكړي ٬ د كشميريانو قرباني به په هېڅ صورت عبس نه ځي او د ھغوي به ډېر زر د آزادۍ سهار وويني ۔ ده د ګل په ورځ خارجه دفتر كښې د كشمير ژورنالسټس فورم نمائندګانو پلاوي سره د ملاقات په مهال خبرې كولې۔ په دې موقع د خارجه دفتر وياند نفيس زكريا او سوئيلي آسياء لپاره ډائرېكټر جنرل محمد فیصل هم موجود ٶ۔ سرتاج عزیز ووئيل نړيواله ورورولي د كشمير په وضعه پوهېږي٬ نړيواله ميډيا صورتحال په ګوته كوي او پخپله هندۍ ميډيا هم كشمير كښې د ظلم په ضد غږ پورته كوي٬ ده ووئېل هندۍ ميډيا دريځ لري چې كشمير به زمونږ شي خو كشميريان به زمونږ سره نه وي۔ ده ووئيل هند كه د جمهوريت لوې علمبردار وي او د کشمیر اټوټ انګ هندې دعوٰې رښتنې وي نو هند دې د ملګرو ملتونو په نګرانۍ كښې د رائيو شميرو ته راضي شي٬ ده ووئېل ھغوې ته به د خپل حېثيت اندازه ولګي٬ د کشمیر 99 فیصده خلق به د پاكستان ملګرتيا وكړي۔ سرتاج عزيز ووئيل د مقبوضه كشمير اولس همدردۍ پاكستان سره دي او كېدې شي چې د هند په حق كښې لس فيصده رائے هم رامخې ته نشي۔ ده ووئيل د كشميريانو پاسون چې بام ته ورسي نو هند په كنټرول لائن د ډز بندۍ لوظنامو خلاف ورزي پېل كړي دغسې چې د كشمير كشالې نه د نړۍ پام بلخوا واړولې شي ۔ خارجه صلاحكار ووئيل په تېر يو كال كښې هند په كنټرول لائن د جنګ بندۍ د لوظنامې 400 ځله نه زياته خلاف ورزي كړې ۔ ده ووئيل د 90 په لسيزه كښې مونږ هند سره خبرې پېل كړې وې او په نتيجه كښې ئې د باور بحالۍ له اقدامات شوي وو ۔خارجه صلاحكار ووئيل هند سره په اته مهمو مسئلو خبرې كېږي چې پكښې د كشمير كشاله سرفهرست وي۔ ده ووئېل هند غواړي چې كشمير پرېږدو او پاكستان سره خبرې وكړو او د هند دا شرط مونږ نه منو۔ده ووئيل پاكستان په هر فورم د كشميريانو د خپلواكۍ حق او بشري صورتحال رامخې ته كوي۔ ده ووئيل وزیراعظم نوازشریف د عمومي اسمبلۍ په تېره غونډه كښې په مقبوضه كشمير كښې د هندي ظلمونو د عكسونو البم عمومي سېكتر له وركړې ٶ چې پرې خپله د عمومي سېكتر د سترګو نه اوښكې بهېدلې ۔د بده مرغه پخوا په دې مسئله د هند په وړاندې لچك ښودلې شوې۔ ده ووئيل د كشمير پحقله هندۍ ميډيا زهرجنه پراپېګنډه كوي ٬ د لائن آف كنټرول د ډز بندۍ خلاف ورزۍ روانې دي ٬ ده ووئېل د برهان واني د جانشين سبزار احمد بټ په شهادت مې اوس اوس د ملګرو ملتونو عمومي سېكتر ٬ د يو اېن سېكورټي كونسل صدر٬ د او آئي سي عمومي سېكتر او د بشري حقونو پحقله د ملګرو ملتونو هائي كمشنر ته چيټۍ ليكلې وې چې پكښې مو په مقبوضه كشمير كښې د وينې بهېدو مخنيوي له په كردار ترسره كولو ټېنګار كړې ٶ او د ملګرو ملتونو د سلامتي كونسل د قراردادونو له مخې د كشمير كشالې هواري له د كردار لوبولو مو وئيلي وو۔ ده ووئيل كشمير دوه اړخيزه نه بلكې نړيواله معامله ده٬ هند كه دا نړيواله مسئله نه تسليموي نو هېڅ فرق نه پريوځي٬ د ملګرو ملتونو قراردادونه ثابتوي چې كشمير دوه اړخيزه نه بلكې نړيواله معامله ده ۔سرتاج عزيز ووئيل هند په ظلم ٬ جبر او د اووه لكه پوځ په زور په كشمير قبضه كړې ده۔
پاکستان د شخړيز کشمیر په اړه پخپل اصولي دريځ كلك ولاړ دے
مضمون کا ماخذ : پاکستان لاٹری نمبر
متعلقہ مضامین
