ملګري ملتونه ۔27 جنوری(اے پی پی) په ملګرو ملتونو كښې د پاكستان مستقل استازي منېر اكرم د افغانستان د 9 نيمه اربه ډالرو مالياتي اثاثو په غېر منجمد كولو زور راوړې دې كومې چې د جنګ ځپلي معيشت بحالولو او د لكھونو په شمېر ستونزو سره د مخ افغان وګړو ژوند بچ كولو له ضروري دي۔ منیر اکرم د ملګرو ملتونو په سلامتي كونسل كښې د افغانستان په صورتحال خپلو خبرو كښې ووئيل افغان اولس د خپلو اثاثو نه محرومه ساتل كوم قانوني جواز نه لري۔ هغه زياته كړه چې افغان معيشت بحالولو ٬ مستحكم كولو او د لكھونو په شمېر افغان وګړو ژوند بچ كولو له دې رقم ته زياته اړتيا ده۔ هغه ووئيل دا به افغان وګړو سره د يو والي تر ټولو زياته فعاله څرګندونه وي چې د هغوي اثاثې غېر منجمد كړې شي۔ د افغانستان په صورتحال خپلو خبرو كښې د ملګرو ملتونو عمومي سېكتر انتونيو ګوترش ووئيل افغانستان د تباهۍ خلې ته رسېدلې دې٬ هغه په نړيواله ورورولۍ او سلامتي كونسل زور راوړو چې هغه دې دغه هېواد د لا ستونزو څخه ساتلو له د وسائلو رسول باوري كړي۔ په خپل ريماركس كښې منېر اكرم ووئيل چې پاكستان افغانستان ته د خوراك سامان او د مرستې په توګه 30 ملينه ډالره وركړې دي۔ خپلې پولې يۍ پرانستې ساتلې دي او دا مهال نزدې د 40 لكه افغان كډوالو مرسته كوي۔ سفیر منیر اکرم په نړيواله ورورولۍ زور راوړو چې هغه دې طالبانو سره رابطه وكړي دغسې چې د ترهګرۍ مخنيوي په لړ كښې په مرسته اډانه كارروائي كولو له مناسبه تګلاره وضعه كړې شي۔ هغه زياته كړه چې په افغانستان كښې په تېرو 20 كلونو كښې چې څه شوي دي هغه به اوس سباؤن كښې نه كېږي۔ هغه ووئيل پاكستان افغانستان لپاره د يو ټول شموله حكومت او د ټولو افغان وګړو او په خاص توګه د مېرمنو او د انجونو د بشري حقونو د احترام ملاتړ كوي۔ هغه ووئيل انجونو ته د زده كړو موقعې وركولو حوالې سره د عبوري حكومت باور وركول هم نوټ كوؤ او راراونه مياشت كښې د سكولونو بېرته پرانستلو ته سترګې په لاره يؤ۔ منېر اكرم ووئيل په افغانستان كښې كوم غېر ملكي ځواب وجود نه لري٬ يو حكومت دې كوم چې ګرد هېواد قابو كوي۔ هغه ووئيل په افغانستان كښې داخلي سلامتيا ښه او بدعنواني ختمه شوې ده۔ هغه زياته كړه چې اوس په افغانستان كښې د تلپاتي امن په ځائې كولو تر ټولو غوره موقعه ده چې ورسره به د افغان اولس ستونزې ختمې او په ټوله منطقه كښې امن او استحكام سوا شي۔ هغه د خپلې وېنا په پايه كښې ووئيل چې د امن او استحكام دا ډول وژن عملي كولو كښې د پاكستان كردار زيات مهم پاتې شوې دې
افغان اولس د خپلو ملي اثاثو نه محروم ساتل كوم قانوني جواز نه لري٬ په ملګرو ملتونو كښې د پاكستان مستقل استازي د سلامتي كونسل غونډه كښې د خيالاتو څرګندونه
مضمون کا ماخذ : سپر اسپنر
متعلقہ مضامین
