اسلام آباد۔29اکتوبر(اے پی پی) نائب وزیر اعظم تے وزیر خارجہ سینیٹر محمد اسحاق ڈار چین پاکستان اقتصادی راہداری (سی پیک) کوں پاکستان سانڳے چین دا شاندار تحفہ قرار ݙیندے آکھیے پاکستان منصوبے کوں اڳوں گھن ونڄݨ سانڳے پرعزم اے تاں جو زراعت، صنعت کاری، قابل تجدید توانائی اتے ٻئے شعبیں اچ تعاون مزید ودھایا ونڄ سڳے ، پاکستان کشمیر تے فلسطین سودھے پراݨے مسئلیں دے حل اچ چین دی حمایت کوں قدر دی نگاہ نال ݙیکھدے تے ون چائنا پالیسی سانڳے پاکستان دی غیر متزلزل حمایت دا اعادہ کریندے ۔ اے ڳالھ انھاں بین الاقوامی کانفرنس ”چائنا ایٹ 75: اے جرنی آف پروگریس، ٹرانسفارمیشن اینڈ گلوبل لیڈر شپ“ توں خطاب اچ آکھی ۔انھاں آکھیے چین پاکستان تعاون دی علامت ہووݨ دے ناطے سی پیک عوام کوں لوڈ شیڈنگ دی اوکھ نال نبݨ اچ ملک دے توانائی دے بنیادی ڈھانچے کوں چنڳاں کرݨ اچ مدد کیتی ، حکومت زرعی ٹیکنالوجی دی تربیت سانڳے ھک ہزار طالبیں کوں چین بھیڄݨ دی چینی پیشکش کوں عملی جامہ پواوݨ سانڳے کم کیتے ، پاکستان کشمیر تے فلسطین سودھے پراݨے مسئلیں دے حل اچ چین دی حمایت کوں قدر دی نگاہ نال ݙیکھدے تے ون چائنا پالیسی سانڳے پاکستان دی غیر متزلزل حمایت دا اعادہ کریندے ۔ نائب وزیراعظم آکھیے آزم??ئے?? ہوئے یار ہووݨ دے ناطے چین تے پاکستان ھک ݙوجھے دا قدرتی آفات، معاشی رکاوٹاں اتے جغرافیائی سیاسی تبدیلیاں اچ وی ساتھ ݙتا ۔ نائب وزیر اعظم سینیٹر اسحاق ڈار چین دے ترقی دے سفر دی تع??یف کریندے گزریل 75 سال اچ چین اہم سنگ میل پار کیتے تے او ھک بہتر دنیا سانڳے وی آپݨا کردار نبھیندا پئے چینی قیادت تے عوام دے عزم تے محنت دا حوالہ ݙیندے انھاں امید ظاہر کیتی جو ویلھا آوݨ تے چین ساریں توں وݙی معیشت بݨ ویسی ، چین خلائی تحقیق توں گھن تے مصنوعی ذہانت، میڈیکل سائنس، گرین ڈویلپمنٹ اتے جدید ٹیکنالوجی تئیں 17 ٹریلین ڈالر توں ودھ دی جی ڈی پی نال وݙی عالمی معیشت بݨݨ سانڳے وݙے پیمانے تے تبدیلیاں دے اہداف ڳھدن ۔ نائب وزیراعظم آکھیے پاکستان کامیابی نال ایس سی او اجلاس دی میزبانی کیتی جیں دی چین تے روس دے وزرا اعظم سودھے شریک رہنماواں تع??یف کیتی۔ نائب وزیراعظم ڈاکٹر عافیہ صدیقی دے ??عا??لے تے امریکی قیادت کوں ??عا??ی سانڳے قائل کرݨ دی حکومتی کوششاں دا ذکر کیتے جیڑھا جو نتیجہ خیز ثابت نہ تھی سڳن ۔ وزیراعظم محمد شہباز ش??یف امریکی صدر کوں خط بھیجا جیں اچ انسانی ہمدردی دی بنیاد تے ڈاکٹر عافیہ صدیقی سانڳے ??عا??ی دی درخواست کیتی ڳئی کیوں جو امریکی صدور عام طور تے عہدہ چھوڑݨ توں پہلے کجھ ??عا??یاں ݙیندن ۔ امریکی ارکان کانگریس نال ملاقات سانڳے ترائے رکنی کمیٹی بݨائی ڳئی جیڑھا جو ڈاکٹر عافیہ دی ??عا??ی، رہائی تے انھاں کوں پاکستان واپس بھیجݨ دے حق اچ لابنگ کریسی ۔ غزہ اچ اسرائیلی بربریت دا ذکر کریندے انھاں آکھیے پاکستان انھاں ملکاں اچوں ھک اے جنہاں فلسطینی عوام دے حق اچ آواز چاتی تے نسل کشی دے وختی خاتمے تے اقوام متحدہ دی سلامتی کونسل دی قرارداداں اتے آئی سی جے دے فیصلیں تےعملدرآمد دا مطالبہ کیتے۔ محمد اسحاق ڈار آکھیے 48 ہزار بے گناہ فلسطینی شہید اتے 80 ہزار زخمی تھئن جنہاں اچ اکثریت تریمتاں تے ٻالاں دی اے نائب وزیر اعظم لبنان تے ایران اچ حملیں تے تشویش کریندے آکھیے پاکستان امدادی سامان دی 10 وݙیاں کھیپاں غزہ بھیجن تے میڈیکل دی تعلیم گھنݨ آلے فلسطینی طالبیں کوں پاکستان دے سرکاری تے نجی میڈیکل کالجاں اچ تعلیم مکمل کرݨ سانڳے انھاں دی میزبانی شروع کر??تی??
سی پیک پاکستان سانڳے چین دا شاندار تحفہ اے، نائب وزیراعظم اسحاق ڈار دا بین الاقوامی کانفرنس توں خطاب
مضمون کا ماخذ : ڈاگ ہاؤس
متعلقہ مضامین
