ملتان 11 دسمبر (اے پي پي) خارجه وزير مخدوم شاه محمود قريشي وئيلي دي چې د پاكستان سباٶن روښانه دے، مونږ د هېواد پرمختګ لپاره دعا كوو، د استانو او اوليا الله د دربارونو څخه تل د محبت، اخوت او امن درس ترلاسه شوے، د پنجاب حكومت او محكمه اوقاف د بزرګان دين مزاراتو ته خاص پام كوي، د شاه ركن دين عالم دربار ته راغلي خالي لاسونه نه دي ستانه شوي. ده دا خبرې د خالي په ورځ د نيمې وچې عظيم روحاني لارښود حضرت شاه ركن عالم سهروردي ملتاني د 708م عرس دستورو په دوهمه ورځ د خپلې وېنا او دعا په مهال وكړې. شاه محمود قريشي ووئيل چې د محكمه اوقاف لخوا د عرس په مهال د ستائنې وړ انتظامات شوي دي. ده ووئيل چې زه خوشحاله يم چې د پنجاب حكومت او محكمه اوقاف د ټولې صوبې دربارونو ته خاص پام كوي.
مضمون کا ماخذ : جنگل وائلڈ
